ଶ୍ରୀଶ୍ରୀଠାକୁର ଅନୁକୂଳଚନ୍ଦ୍ରଙ୍କ ୧୩୬ତମ ଜନ୍ମ ବାର୍ଷିକୀ ଦିବସ ଓ ସତ୍ସଙ୍ଗ ବିହାରର ୨୯ତମ ଶ୍ରୀବିଗ୍ରହ ପ୍ରତିଷ୍ଠା ମହୋତ୍ସବ ଆସନ୍ତାକାଲି ମଞ୍ଚେଶ୍ୱର ରେଳବାଇ ଖେଳପଡ଼ିଆରେ ଅନୁଷ୍ଠିତ ହେବ। ଏହି ଉତ୍ସବ ସକାଳ ୧୦ଟାରୁ ଆରମ୍ଭ ହୋଇ ରାତି ୧୦ଟା ପର୍ଯ୍ୟନ୍ତ ଚାଲିବ। କାର୍ଯ୍ୟକ୍ରମରେ ବେଦ ମାଙ୍ଗଳିକ, ସକାଳ ବିନତି ପ୍ରାର୍ଥନା, ସଦ୍ଗ୍ରନ୍ଥ ପାଠ, ଭକ୍ତି ସଙ୍ଗୀତାଞ୍ଜଳି, ମାତୃସମ୍ମିଳନୀ, ଶିଶୁଙ୍କ କାର୍ଯ୍ୟକ୍ରମ ପରି ବହୁ କାର୍ଯ୍ୟକ୍ରମ ଅନୁଷ୍ଠିତ ହେବ। ବିଶେଷ ଆକର୍ଷଣ ଭାବେ ହ୍ବାଇଟ୍ ବ୍ୟାଣ୍ଡ୍ କାର୍ଯ୍ୟକ୍ରମ ପରିବେଷଣ କରାଯିବ। ଏଥିସହିତ ଏକ ହଜାରରୁ ଅଧିକ ଲୋକଙ୍କ ପାଇଁ ମାଗଣା ସ୍ବାସ୍ଥ୍ୟ ଶିବିର ସହ ଏକ ମେଡିକାଲ କନ୍ଫରେନ୍ସ ମଧ୍ୟ ଅନୁଷ୍ଠିତ ହେବ। ଉତ୍ସବ ଉପଲକ୍ଷେ ଅନୁଷ୍ଠାନ ପକ୍ଷରୁ ପ୍ରକାଶିତ ସ୍ମରଣିକା ‘ତର୍ପଣ’ର ଉନ୍ମୋଚନ କରାଯିବ। ଉତ୍ସବରେ ରାଜ୍ୟ ତଥା ରାଜ୍ୟ ବାହାରର ସତ୍ସଙ୍ଗୀମାନେ ଯୋଗଦେବେ। ଏହି ରାଜ୍ୟସ୍ତରୀୟ ଉତ୍ସବରେ ସମସ୍ତଙ୍କ ପାଇଁ ଆନନ୍ଦବଜାର ବ୍ୟବସ୍ଥା କରାଯାଇଛି। ଉତ୍ସବକୁ ସାରା ଭୁବନେଶ୍ୱରବାସୀଙ୍କୁ ନିମନ୍ତ୍ରଣ କରାଯାଇଛି ବୋଲି ସତ୍ସଙ୍ଗ ବିହାର ଉତ୍ସବ ଅଭ୍ୟର୍ଥନା କମିଟି ପକ୍ଷରୁ ଏକ ସାମ୍ୱାଦିକ ସମ୍ମିଳନୀରେ ସୂଚନା ଦିଆଯାଇଛି।
