ଡିସେମ୍ବର ଭିତରେ ଋଣ କରିବନି ଓଡ଼ିଶା
1 min read
A sign for the Reserve Bank of India (RBI) sign is displayed inside central bank's headquarters in Mumbai, India, on Thursday, Feb. 6, 2020. India's central bank left interest rates unchanged for a second straight meeting, while keeping the door open for more easing to support the economy when inflation eases. Photographer: Dhiraj Singh/Bloomberg
ଭୁବନେଶ୍ବର, : ଆସନ୍ତା ଅକ୍ଟୋବର-ଡିସେମ୍ବର ତ୍ରୟମାସରେ ବଣ୍ଡ୍ ଜରିଆରେ ବଜାରରୁ ଋଣ ଉଠାଇବା ଲାଗି ଓଡ଼ିଶାର କୌଣସି ଯୋଜନା ନଥିବା ଜଣାପଡ଼ିଛି। ଭାରତୀୟ ରିଜର୍ଭ ବ୍ୟାଙ୍କ ପକ୍ଷରୁ ରାଜ୍ୟ ଓ କେନ୍ଦ୍ରଗୁଡ଼ିକ ଋଣ କରିବାକୁ ରଖିଥିବା ଯୋଜନା ସମ୍ପର୍କିତ ତଥ୍ୟ ଜାରି କରାଯାଇଛି। ସେଥିରେ ଓଡ଼ିଶାର ନାମ ନାହିଁ। ଡିସେମ୍ବର ମଧ୍ୟରେ ବିଭିନ୍ନ ରାଜ୍ୟ ବଜାରରୁ ୨ ଲକ୍ଷ ୨ ହଜାର ୨୪୨ କୋଟି ଟଙ୍କାର ଋଣ କରିବେ। ପ୍ରତି ସପ୍ତାହରେ ରିଜର୍ଭ ବ୍ୟାଙ୍କ ପକ୍ଷରୁ ବଣ୍ଡ୍ ନିଲାମ କରାଯିବ।
ଅକ୍ଟୋବର ମାସରେ ୬, ୧୩, ୨୦ ଓ ୨୭ ତାରିଖରେ ବିଭିନ୍ନ ରାଜ୍ୟ ୬୬ ହଜାର ୫୩୧ କୋଟି ଟଙ୍କାର ଋଣ କରିବେ। ଆନ୍ଧ୍ର, ଛତିଶଗଡ଼, ଗୋଆ, ଗୁଜରାଟ, କର୍ଣ୍ଣାଟକ, ମଧ୍ୟପ୍ରଦେଶ, ପଞ୍ଜାବ, ରାଜସ୍ଥାନ, ତାମିଲନାଡୁ, ଉତ୍ତରପ୍ରଦେଶ ଓ କେରଳ ବିଭିନ୍ନ ପର୍ଯ୍ୟାୟରେ ବଜାରରୁ ଋଣ ହାସଲ କରିବେ। ନଭେମ୍ବର ମାସରେ ୩, ୧୦, ୧୭ ଓ ୨୪ ତାରିଖରେ ରାଜ୍ୟଗୁଡ଼ିକ ୬୬,୦୮୩ କୋଟି ଟଙ୍କାର ଋଣ କରିବେ। ଏହି ମାସରେ ମଧ୍ୟ ଆନ୍ଧ୍ରପ୍ରଦେଶ, ଛତିଶଗଡ଼, ଗୁଜରାଟ, ହରିୟାନା, ପଞ୍ଜାବ, ରାଜସ୍ଥାନ, ବିହାର, ତାମିଲନାଡୁ ଓ ଉତ୍ତରପ୍ରଦେଶ ବଜାରରୁ ଋଣ କରିବେ। ଡିସେମ୍ବର ମାସରେ ୧, ୮, ୧୫, ୨୨ ଓ ୨୯ ତାରିଖରେ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳଗୁଡ଼ିକ ୬୯,୬୨୮ କୋଟି ଟଙ୍କାର ଋଣ କରିବେ ବୋଲି ରିଜର୍ଭ ବ୍ୟାଙ୍କ ତଥ୍ୟରୁ ଜଣାପଡ଼ିଛି। ଡିସେମ୍ବରରେ ଆନ୍ଧ୍ରପ୍ରଦେଶ, ଗୁଜରାଟ, ଝାଡ଼ଖଣ୍ଡ, କର୍ଣ୍ଣାଟକ, କେରଳ, ମଧ୍ୟପ୍ରଦେଶ, ମହାରାଷ୍ଟ୍ର, ପଞ୍ଜାବ, ତାମିଲନାଡୁ ଓ ତେଲେଙ୍ଗାନା ଭଳି ରାଜ୍ୟ ଋଣ କରିବେ।
