ପ୍ରଥମ ଟେଷ୍ଟ୍ ପୂର୍ବରୁ ୫ ସକାରାତ୍ମକ ଦିଗ: ଶୁବମନଙ୍କ ଲୟ, ହନୁମାଙ୍କ ଉପରେ ଦାୟିତ୍ବ, ସାମିଙ୍କ ଶାଣିତ ବୋଲିଂ
1 min read
ନୂଆଦିଲ୍ଲୀ: ଗୁରୁବାରଠାରୁ ଭାରତ-ଅଷ୍ଟ୍ରେଲିଆ ଟେଷ୍ଟ୍ ଶୃଙ୍ଖଳା ଆରମ୍ଭ ହେବ। ୪ ମ୍ୟାଚ୍ ମଧ୍ୟରୁ ଆଡିଲେଡରେ ଖେଳାଯିବାକୁ ଥିବା ପ୍ରଥମ ଟେଷ୍ଟ୍ ଦିବାରାତ୍ର ବିଶିଷ୍ଟ ଧାର୍ଯ୍ୟ ରହିଛି। ଏଥି ପାଇଁ ଭାରତୀୟ ଦଳ ଭଲ ପ୍ରସ୍ତୁତି କରିଛି। ରବିବାର ଶେଷ ହୋଇଥିବା ୩ ଦିନିଆ ପିଙ୍କ୍ ବଲ୍ ଅଭ୍ୟାସ ମ୍ୟାଚ୍କୁ ଭାରତ ଜିତିପାରିନଥିଲେ ମଧ୍ୟ ବିଶେଷ ଚିନ୍ତିତ ହୋଇନାହିଁ। ଏହି ମ୍ୟାଚ୍ରୁ କିନ୍ତୁ ଭାରତୀୟ ଦଳ ଅଧିନାୟକ ବିରାଟ କୋହଲି ଏବଂ ଉପଅଧିନାୟକ ଅଜିଙ୍କ୍ୟ ରାହାଣେ ଅନେକ ସକାରାତ୍ମକ ଦିଗ ପାଇଛନ୍ତି। ସେମଧ୍ୟରୁ ୫ଟିକୁ ଏଠାରେ ସ୍ଥାନିତ କରାଗଲା।
ପିଙ୍କ୍ ବଲ୍ ଅଭ୍ୟାସ ମ୍ୟାଚ୍ର ଉଭୟ ପାଳିରେ ଶୁବମନ ଗିଲ୍ ୩ ନମ୍ବର ସ୍ଥାନରେ ବ୍ୟାଟିଂ କରିଥିଲେ। ଏହି ପୋଜିସନ୍ ପାଇଁ ଦୌଡ଼ରେ ଥିବା ଅନ୍ୟ ପ୍ରତିଦ୍ବନ୍ଦ୍ବୀମାନଙ୍କୁ ଗିଲ୍ ପଛରେ ପକାଇ ଦେଇଛନ୍ତି। ମୟଙ୍କ ଅଗ୍ରୱାଲଙ୍କ ଓପନିଂ ପାର୍ଟନର୍ ପୃଥ୍ବୀ ସ’ଙ୍କୁ ବାଦ୍ ଦେବା କଥା ଦଳୀୟ ମ୍ୟାନେଜମେଣ୍ଟ୍ ଚିନ୍ତା କଲେ କେଏଲ୍ ରାହୁଲଙ୍କୁ ସୁଯୋଗ ମିଳିପାରେ। ନିଜର ୪୩ ଓ ୬୫ ରନ୍ ପାଳି ମଧ୍ୟରେ ଗିଲ୍ ମଧ୍ୟ ନିଜ ଅଫଷ୍ଟମ୍ପ୍ କେଉଁଠି ଅଛି ସଠିକ୍ ଆକଳନ କରିପାରୁଥିଲେ ଏବଂ ସର୍ଟ ଓ ବାଉଁସ ବଲ୍ ଖେଳିବାରେ କୌଣସି ଆସୁବିଧାରେ ପଡ଼ୁନଥିଲେ।
