କମିଲା ସୁନା ଓ ରୂପା ମୂଲ୍ୟ, ୨ ହଜାରରୁ ୬ ହଜାର ଟଙ୍କାର ହ୍ରାସ

ନୂଆଦିଲ୍ଲୀ: କରୋନାଙ୍କ ବିପର୍ଯ୍ୟୟ କାରଣରୁ ଷ୍ଟକ୍ ମାର୍କେଟରେ ପ୍ରବଳ ହ୍ରାସ ହେତୁ ଭାରତୀୟ ସୁନା ବଜାରରେ ସୁନା ୧୦ ଗ୍ରାମ ପିଛା ୨୦୦୦ ଟଙ୍କା ହ୍ରାସ ପାଇଥିବାବେଳେ ରୂପା କିଲୋଗ୍ରାମରେ ୬୦୦୦ ରୁ ଅଧିକ ହ୍ରାସ ପାଇଛି। ବର୍ତ୍ତମାନ ୧୦ ଗ୍ରାମ ପିଛା ସୁନା ମୂଲ୍ୟ ୪୦,୦୦୦ ଟଙ୍କାକୁ ଖସିଆସିଛି । ଏଥିସହିତ ରୂପା କିଲୋଗ୍ରାମରେ ୩୬,୬୪୦ ଟଙ୍କାକୁ ଖସି ଆସିଛି। ଇଣ୍ଡିଆ ବୁଲିଅନ୍ ଆଣ୍ଡ ଜୁଏଲର୍ସ ଆସୋସିଏସନ୍ (ଆଇବିଜେଏ) ରାଷ୍ଟ୍ରୀୟ ସଚିବ ସୁରେନ୍ଦ୍ର ମେହେଟ୍ଟା କହିଛନ୍ତି ଯେ ଷ୍ଟକ୍ ମାର୍କେଟରେ ସେନ୍‌ସେକ୍ସ ପ୍ରତିଦିନ ତଳକୁ ତଳ ଖସୁଥିବାରୁ ନିବେଶକମାନେ ନଗଦ ଆବଶ୍ୟକତା ପୂରଣ କରିବା ପାଇଁ ସୁନାକୁ କମ୍ ଦାମ୍‌ରେ ବିକ୍ରି କରୁଛନ୍ତି |ଷ୍ଟକ ବଜାରରେ ୯୯୯ ଶୁଦ୍ଧତାର ସୁନା ମୂଲ୍ୟ ୨୦୨୨ ଟଙ୍କା ହ୍ରାସ ପାଇ ପୂର୍ବ ସପ୍ତାହରେ ୧୦ ଗ୍ରାମ ପିଛା ୪୨,୦୧୭ ରୁ ୧୦ ଗ୍ରାମରେ ୩୯,୯୯୫ ଟଙ୍କାକୁ ଖସି ଆସିଛି। ଏଥି ସହିତ ରୂପା ମୂଲ୍ୟ କିଲୋଗ୍ରାମ ପିଛା ୪୩୦୮୫ ରୁ ୬୪୪୫ ଟଙ୍କାକୁ ହ୍ରାସ ପାଇ ୩୬,୬୪୦ ଟଙ୍କା ହ୍ରାସ ପାଇଛି। ବିଶେଷ କରି ଆଗାମୀ ଦିନରେ ସୁନା ଦର ଆହୁରି ହ୍ରାସ ପାଇଲେ ବହୁତ କ୍ଷତି ସହିବାକୁ ପଡ଼ିପାରେ ବୋଲି ଆଶଙ୍କା କରି ନିବେଶକମାନେ ସୁନାକୁ କମ୍ ଦାମ୍‌ରେ ବିକ୍ରି କରୁଛନ୍ତି। ଯେଉଁଥିପାଇଁ ସୁନା ଦର ଲଗାତାର କମିବାରେ ଲାଗିଛି |

ଏଠାରେ ସୂଚନା ଥାଉ କି କରୋନା ଭୟରୁ ଷ୍ଟକ ବଜାର ବାହାରି ପାରୁନାହିଁ। ଚଳିତ ମାସ ପ୍ରାରମ୍ଭରୁ ଅସ୍ଥିର ହୋଇପଡ଼ିଥିବା ଷ୍ଟକ ବଜାର କାରବାରରେ କୌଣସି ସୁଧାର ହେଉନାହିଁ। ବମ୍ବେ ଷ୍ଟକ ବଜାରର ସେନ୍‌ସେକ୍ସ ପ୍ରତିଦିନ ତଳକୁ ତଳ ଖସୁଛି। ଏହି ସ୍ଥିତିରେ କେବେ ସୁଧାର‌ ହେବ ତାହା କେହି ଆକଳନ କରିପାରୁନାହାନ୍ତି। ସାରା ବିଶ୍ବର ଷ୍ଟକ ବଜାରରେ ସେୟାର ବିକ୍ରି ଜାରି ରହିଥିବା ବେଳେ ସୋମବାର ଦିନ ଭାରତରେ ମଧ୍ୟ ସମାନ ସ୍ଥିତି ଦେଖିବାକୁ ମିଳିଥିଲା।