ମୁଗ ପକୋଡ଼ା ପ୍ରସ୍ତୁତ ପ୍ରଣାଳୀ

ଆବଶ୍ୟକ ସାମଗ୍ରୀ:ମୁଗ ଡାଲି, ହେଙ୍ଗୁ, ମୂଳା, ରିଫାଇନ୍‌ ତେଲ, ଦହି, କଞ୍ଚାଲଙ୍କା, ପୋଦିନାପତ୍ରଓ ଲୁଣ।

ପ୍ରସ୍ତୁତି ପ୍ରଣାଳୀ:ପ୍ରଥମେ ମୁଗ ଡାଲିକୁ ୧ ଘଣ୍ଟା ଯାଏ ପାଣିରେ ବତୁରାଇ ଦିଅନ୍ତୁ। ତା’ପରେ ଏହାକୁ ଭଲ ଭାବେ ଧୋଇ ଚିକ୍କଣ କରି ବାଟି ଦିଅନ୍ତୁ । ଏଥିରେ ଅଳ୍ପ ହେଙ୍ଗୁ ଓ ସ୍ୱାଦ ଅନୁସାରେ ଲୁଣ ଦେଇ ଭଲ କରି ଗୋଳାଇ ରଖି ଦିଅନ୍ତୁ । କିଛି ସମୟ ପରେ ସେହି ମିଶ୍ରଣକୁ ଗୋଲ ଗୋଲ କରି ଛାଣି ଦିଅନ୍ତୁ । ବର୍ତ୍ତମାନ ପ୍ରସ୍ତୁତ ହୋଇଗଲା ମୁଗ ପକୋଡ଼ା।

ଏବେ ଖାଇବାବେଳେ ଏହାର ସ୍ୱାଦ ବଢ଼ାଇବା ପାଇଁ ଏକ ଚଟଣୀ ପ୍ରସ୍ତୁତ କରିବା। ପ୍ରଥମେ ଦହି, କଞ୍ଚାଲଙ୍କା, ପୋଦିନା ପତ୍ରରେ ଲୁଣ ମିଶାଇ ଏହାକୁ ଭଲଭାବେ ଗ୍ରାଇଣ୍ଡିଂ କରନ୍ତୁ। ଏବେ ସେହି ମିଶ୍ରଣରେମୂଳାକୁ ଛୋଟ ଛୋଟ କରି କାଟିବା ପରେ ମିଶାଇ ଦିଅନ୍ତୁ।ଏବେ ମୁଗ ପକୋଡ଼ା ସହ ମୂଳା ଚଟଣି ମିଶାଇ ଖାଆନ୍ତୁ ଏବଂ ଅନ୍ୟଙ୍କୁ ଖୁଆନ୍ତୁ।