ପାନ ଦାଗ ସଫା ପାଇଁ ରେଳବାଇ ଖର୍ଚ୍ଚ କରେ ଏତିକି କୋଟି ଟଙ୍କା

ଭାରତୀୟ ରେଳ ହେଉଛି ବିଶ୍ୱର ଚତୁର୍ଥ ବୃହତ୍ତମ ରେଳ ବ୍ୟବସ୍ଥା। ଭାରତୀୟ ରେଳବାଇରେ ପ୍ରାୟ ୨.୫ କୋଟି ଯାତ୍ରୀ ପ୍ରତିଦିନ ଯାତ୍ରା କରନ୍ତି। ରେଳବାଇ ବର୍ତ୍ତମାନ ଯାତ୍ରୀମାନଙ୍କୁ ସମସ୍ତ ସୁବିଧା ଯୋଗାଉଛି। ଟ୍ରେନ୍ ଠାରୁ ଷ୍ଟେସନ ପର୍ଯ୍ୟନ୍ତ ସବୁକିଛି ବହୁତ ଭଲ ହୋଇଛି | କିନ୍ତୁ ଭାରତୀୟ ରେଳବାଇରେ ଏକ ସମସ୍ୟା ରହିଛି ଏବଂ ସେହି ସମସ୍ୟା ରେଳବାଇ ଦ୍ୱାରା ନୁହେଁ ବରଂ ରେଳ ଯାତ୍ରା କରୁଥିବା ଯାତ୍ରୀଙ୍କ କାରଣରୁ ହୋଇଥାଏ | ରେଳବାଇରେ ଗୁଟଖା ଖାଇବା ପରେ ଛେପ ପକାଇବା ଆଜି ମଧ୍ୟ ବନ୍ଦ ହୋଇନାହିଁ। ଏହି କାରଣରୁ, ଗୁଟଖାର ଦାଗ ହଟାଇବା ପାଇଁ ରେଳବାଇକୁ କୋଟି କୋଟି ଟଙ୍କା ଖର୍ଚ୍ଚ କରିବାକୁ ପଡୁଛି | କଥାଟି ଶୁଣିବାକୁ ଆଶ୍ଚର୍ଯ୍ୟ ଲାଗୁଥିଲେ ବି ଏକଥା ଏକଦମ ସତ |

ମିଳିଥିବା ସୂଚନା ମୁତାବକ ଯାତ୍ରୀମାନେ ପାନ ଓ ଗୁଟଖା ଖାଇ ରେଳଷ୍ଟେସନ ସମେତ ଟ୍ରେନରେ ଛେପ ପକାନ୍ତି | ଆଉ ଏହି ଛେପରୁ ସୃଷ୍ଟି ହେଉଥିବା ଦାଗ ପାଇଁ ରେଳବାଇକୁ କୋଟି କୋଟି ଟଙ୍କା ଖର୍ଚ୍ଚ କରିବାକୁ ପଡିଥାଏ | ୨୦୨୧ ମସିହାରେ ଭାରତୀୟ ରେଳବାଇ ପକ୍ଷରୁ ଏନେଇ ତଥ୍ୟ ଦିଆଯାଇଥିଲା | ଯାହା ଅତ୍ୟନ୍ତ ଆଶ୍ଚର୍ଯ୍ୟଜନକ ଥିଲା | ଆକଳନ ଅନୁଯାୟୀ ରେଳବାଇ ଷ୍ଟେସନ ଏବଂ ଟ୍ରେନରେ ଗୁଟଖା ଦାଗ ହଟାଇବା ପାଇଁ ପ୍ରାୟ ୧୨୦୦ କୋଟି ଟଙ୍କା ଖର୍ଚ୍ଚ କରିଥିଲା । କେବଳ ଏତିକି ନୁହେଁ ସଫା ପାଇଁ ୧୨୦୦ କୋଟି ଟଙ୍କା ଖର୍ଚ୍ଚ ହୋଇଥିବାବେଳେ ଗୁଟଖା ଖାଇବା ଉଚିତ ନୁହେଁ ନେଇ ମଧ୍ୟ ରେଳବାଇ ବିଜ୍ଞାପନ ଦେଇଥାଏ | ରେଳ ଷ୍ଟେସନ ବାହାରେ ଏବଂ ଟ୍ରେନରେ ଆପଣ ଏହି ବିଜ୍ଞାପନଗୁଡିକ ନିଶ୍ଚୟ ଦେଖିଥିବେ | ରେଳବାଇ ମଧ୍ୟ ଏଥିପାଇଁ କୋଟି କୋଟି ଟଙ୍କା ଖର୍ଚ୍ଚ କରିଥାଏ।